話說我星期六就飛返鄉下加拿大， 呢排不斷整定啲儲糧放喺屋企， 以免我個老公亂食嘢，佢有時都會口痕想食下小食（ 成日走去食果仁食到停唔到口 ,然後就畀我話佢係咪想發炎 ）咁樣呢隻車打芝士餅就啱曬啦～
又話說自從捉咗佢去見馬醫生之後，開始生酮，依家減磅（減咗八磅）又減藥( 三隻減淨一隻，最後呢隻由20mg減到10mg） 我總算有啲安慰， 佢平時戒口就戒得幾淨啦，但係油份食唔夠 ，始終食咗咁多年清淡嘢， 佢一時間仲未習慣到 食fat, 所以呢個主要用芝士做成嘅餅仔就啱佢啦, 除咗平日午餐會食我嘅生酮餐盒之外, 佢都可以 補充下～
呢個餅餅好易整有焗爐就得啦， 入面材料有車打芝丶士巴馬臣芝士丶 雞蛋 ，有啲杏仁粉椰子粉 ，只係幾種材料， 如果焗得乾身可以脆卜卜嘅，不過我就覺得口味燶少少，反而我鍾意佢唔使咁脆，但芝士味突出啲 ，最緊要錄得夠薄， 咁樣食多兩塊都得呀嘛～
Recipe🎉🎉🎉 :
1cup. Chedder cheese 車打芝士
1/4cup Pamasan cheese 巴馬臣芝士
3 tablespoons（45g) butter 牛油
60g creamcheese/Greek yogurt 忌廉芝士/ 希臘乳酪
1/2cup Almond flour 杏仁粉
3 tablespoons coconut flour 椰子粉
1 Egg 蛋
不同口味添加
*1/4茶匙黑椒碎
* 半茶匙乾basil 及 半茶匙炸乾蒜
* 1/8茶匙辣椒粉
* 半茶匙炸乾蒜及半茶匙榨乾蔥
將杏仁粉丶牛油丶芝士於一個大不銹鋼盤內mix 均。
鋼盤放上熱水上，隔熱水座溶， 一邊攪拌以至所有芝士全溶化。
離開熱水後略為攪拌，加入蛋攪拌勻旬後加入椰子粉拌勻。
用保鮮紙包好芝士團放於雪櫃靜置30分鐘，會變得比較企身。
把一半的芝士團放於兩張牛油紙中， 用麵粉棍捍 開約厚簿， 輕輕把上面的牛油紙撕開。
用刀先割好1”×1"餅乾形狀然後於餅中間用叉拮洞。
入180度焗爐焗 七至十分鐘 ，然後取出淨置3分鐘，小心把牛油紙整張反轉，然後撕開底紙再入焗爐焗三至五分鐘，期間不要走開因為很容易變燶了。
烤焗時間越長餅乾越脆，但一不小心便會燶，我比較喜歡不要太焦，口感雖然沒有脆脆的但味道就跟吃芝士餅一樣。
你哋又會想要乜嘢口味嘅 芝士餅呢？香草？羅勒？黑椒 ？辣嘅口味？？ 下面留言話畀我聽啦 ～
＃Za姐生酮 ＃生酮飲食 ＃生酮香港 ＃ketohk #howILoose30pound ＃30磅是這樣減的 ＃減重 ＃減肥 ＃減脂 ＃生酮芝士餅乾 ＃生酮食譜 ＃ketocheesecreakers
Comments